المحتوى الرئيسى

فيديو مرتضى لباسم مرسي إنت بتلعب بالنار وأنا عندي حاجات هتتقال

هاجم مرتضى منصور، رئيس نادي الزمالك، باسم مرسي، مهاجم الفريق الأبيض، بسبب تأخره في تجديد تعاقده مع النادي، وابلاغه إسماعيل يوسف، مدير الكرة بتجديد عقده في نهاية الموسم، «إنت ياباسم ناكر جميل الزمالك، وانسى اللي بتقوله في البرامج عن حب الزمالك والكلام ده». 

وطالب منصور، الإعلامي مدحت شلبي، خلال مداخلته بحلقة الاثنين، من برنامج «مساء الأنور» الذي يعرض على قناة on sport، بعدم عرض أهداف «مرسي» على الهواء، الحاجات دي اللي بتخلي اللاعيب يتمرد على ناديه، أنا مش صغير عشان يضحك عليا ويقولي عرض صيني ولا ياباني، الخير اللي إنت فيه ده ياباسم من نادي الزمالك، اللي إنت مديله ضهرك النهاردة».



وأضاف رئيس اللقلعة البيضاء، أنه لن يكرر قصة مؤمن زكريا مرة أخرى مع باسم مرسي، موجهًا رسالته لجمهور الزمالك، «باسم مرسي بقاله شهر بيلعب بالنادي، اللي عايز يجيب عبد ويفيد النادي اهلًا وسهلًا، لكن هو مش عايز يفيد النادي، وقال لاسماعيل يوسف انه عايز يجدد نهاية الموسم، الكلام ده يتعمل في الحارة، لا طلعت عنده عرض صيني ولا ياباني»، معلقًا «ع الأصل دور، وإوعى تفتكر ياباسم إنك هتلعب بيا وتضحك على جماهير الزمالك، أنا بكشفك قدام مصر كلها، أنا عندي حاجات كتير هتتقال، إحنا كنا محافظين عليك عشان إنت كنت بتلعب في النادي، وافتكر لما كنت مخلص كنت بتجيب كام جول، ودلوقتي بتجيب كام جول، إنت بتلعب بالنار».


سعر الحديد سعر الاسمنت سعر الدولار الان سعر الذهب

المصدر : tahrirnews

تغطية خاصة بالموضوع

اخبار متعلقة

اضف تعليق